VOV4.Xơ Đăng - Kơmăng lơ 20/1, a Hà Nội, pôa Phạm Minh Chính, Ngế pro xiâm hnê ngăn tơnêi têa veăng leh diâp pri khoa hok, kŏng ngê̆ lâp plâi tơnêi VinFuture Prize rôh má môi. Leh diâp pri VinFuture tơkŭm to mâu ki rơkê tung  lâp plâi tơnêi ƀă tơbleăng mâu tơdroăng hriăn plĕng ki nếo ai tơdjâk troh rơtuh ngế kô chông djâ Việt Nam chiâng tíu xiâm dêi khu cheăng khoa hok vâ tơmâng ngăn dêi tung lâp plâi tơnêi troh ƀă Việt nam.

Tơdroăng amê veăng kum hdró mơhno Việt Nam cho tíu ki vâ troh nếo dêi khu cheăng khoa hok kŏng ngê̆ lâp plâi tơnêi, hlối pro xiâm vâ tơdjêp, pro ai tơdroăng tơrŭm tơdrêng, hên troăng pơla mâu khu cheăng khoa lok lâp plâi tơnêi ƀă Việt Nam. Ing rôh mơhá pri apoăng, VinFuture hiăng tơ’mot hên mâu ngế rơkê ‘na khoa hok dêi mâu kong têa tung lâp lâp tơnêi ƀă ai lối 1.200 ngế chêh inâi lo ing 654 to hngêi trung đăi hok má môi, 51 Viê̆n tí tăng hriăn plĕng ki vâi hmâ ô eăng, 42 viê̆n hàn lâm khoa hok mâu kong têa ki vâi nhoăm tung lâp plâi tơnêi. Pri mơhá mê hiăng châ tơdah 599 tơdroăng tơkêa pro ki tơbriât pri.

Gương tơplôu ƀă tơbleăng