VOV4. XơĐăng - Kơxê lơ 22/3, a tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa pêi cheăng ƀă Khu xiâm ngăn mâu ngế hơnăm hiăng krâ Việt Nam. Tối tơbleăng a hneăng hôp, pôa Nguyễn Thanh Bình, Kăn hnê ngăn Khu mâu hơnăm hiăng krâ Việt Nam ăm ‘nâi, Khu mâu hơnăm hiăng krâ Việt Nam rế ton rế mơnhông tơ-brê, rơdêi ‘na tơkŭm po, tơkŭm krâm mơngế hơnăm hiăng krâ veăng tung khu. Ta troh nôkố, khu mâu hơnăm hiăng krâ ai lối 9,7 rơtuh ngế, châ vâ chê 09% tung tâi tâng kơxô̆ mâu ngế hơnăm hiăng krâ.

Tơbleăng mơgêi, pôa Phạm Minh Chính pơtroh rơkong rơkâu tâi tâng mâu ngế tung khu hơnăm hiăng krâ tung lâp tơnêi têa rơkâu tơdroăng ki lê̆m má môi, hlối tối nhên rôh pêi cheăng mê mơhno hnoăng cheăng dêi Chin phuh ƀă mâu ngế hơnăm hiăng krâ, tơleăng mơnhên mâu tơdroăng, luât pơkâ ƀă púi vâ dêi mâu hơnăm hiăng krâ.

Ngế pro xiâm hnê ngăn tơnêi têa pơkâ thế kal nhoăm tâ nếo tơdroăng hnê tối, mơdêk hlê plĕng ‘na hnoăng cheăng pêi, ki kal dêi tơdroăng cheăng, tơdroăng cheăng dêi mâu hơnăm hiăng krâ ƀă hnoăng veăng ‘no dêi mâu ngế hơnăm hiăng krâ. Mơdêk ki tơ-brê, ki xêt, tơbrê tung rak ngăn tơnêi têa ƀă tơdroăng cheăng dêi khu hơnăm hiăng krâ ƀă kring vế, Kum, rak ngăn mâu ngế hơnăm hiăng krâ.

Gương tơplôu ƀă tơbleăng