Péa ngế kăn xiâm pơkuâ mơnhên Việt Nam ƀă Nam Phi cho pú hmâ achê, khu tơrŭm cheăng ki loi tơngah, ai tơmeăm mơnhông tơ’nôm ăm dêi pó tung mơdêk, ki má lối cho mâu kơvâ pơhlêh ngiât, pơhlêh xúa kŏng ngê̆, on tơhrik ki vêh pro ƀă kơmăi kơmok tơmiât pêi rơkê. Pôa Phạm Minh Chính, Ngế pro xiâm hnê ngăn tơnêi têa tối rơdêi Việt Nam hbrâ veăng kum hên ăm tơrŭm cheăng Nam – Nam, rơtế Nam Phi mơdêk mâu kơjo tơdjuôm môi tiah kơdroh kơtiê, tơniăn bế kế kâ, mơnhông krá tơniăn.

Kăn xiâm pơkuâ kong têa Nam Phi pói vâ thăm tơdjêp khu tê mơdró péa tơnêi têa tung chiâ xo tơmeăm khoăng tung kơdâm tơnêi, mơjiâng pro kế tơmeăm khoăng, pêi chiâk deăng ƀă ô tô kơtâu ƀă on tơhrik. Péa pâ môi tuăn rĕng kêi đeăng mơ-éa tung khu vâ mơdêk tơrŭm cheăng to “Khu tơrŭm cheăng ton xŏn” tung hơnăm 2025, tơmiât troh tơrŭm cheăng pơla mâu kong têa dế mơnhông mơdêk.