Kông châ mơjiâng pro mơ’nui hơnăm 2024 tiô pơkâ ki thâ, teăng kông ton nah tro tơhnâp xua kong mêi khía mơhot Yagi khế 9/2024. Kông ai tâi tâng kơlo liăn mơ’no lối 635 rơtal liăn laga bro vâ kêi đeăng ai lối 438 rơtal liăn, kơdĭng dâng 196 rơtal liăn ƀă pro ‘nâng ‘nâi 3 khế tâng pơchông ƀă pơkâ. Binh đoân 12 – Kŏng ti xiâm Mơjiâng tơmeăm Trường Sơn pôu râng hnoăng mơjiâng pro.

Xông tơpui a leh phiu ro hiăng mơjiâng pro klêi, pôa Phạm Minh Chính kheăn kơdeăn tơdroăng tơkêa bro Kông Phong Châu mơhno tơdroăng pơkâ tro drêng pơcháu mâu khu xiâm, kơvâ cheăng ƀă kong pơlê tơrŭm pêi pro, kum kơdroh hâi khế tâng pơchông ƀă troăng mơjiâng kông hmâ troh 10 hơnăm, tơdrêng amê tơniăn ki dâi lĕm ƀă tơniăn lĕm.

Kơxô̆ liăn kơdĭng kô mơ’no pro troăng klông péa pâ kông, kum rơnêu kế tơmeăm khoăng xua kong mêi khía mơhot, tơniăn tơdroăng rêh ối ƀă mơdêk mơnhông cheăng kâ – rêh ối pơlê pơla kơpong.