Ngế pro xiâm hnê ngăn tơnêi têa kheăn kơdeăn tơrŭm cheăng Việt Nam – Sơn Đông tung pơla kố nah, ki má lối cho trâm mâ tơno mâu râ, mơ’no liăn cheăng tê mơdró cho tíu eăng ƀă hên khu tê mơdró kŏng ngê̆ rơxông nếo dêi Sơn Đông pêi cheăng châ tơƀrê a Việt Nam.

Mơnhên Việt Nam đi đo nhuô̆m ƀă kơjo mơnhông mơdêk tơrŭm ƀă kong têa Sinuâ, Ngế pro xiâm hnê ngăn tơnêi têa pói vâ Sơn Đông rơtế mâu kong pơlê Việt Nam pơtối mơdêk trâm mâ tơpui tơno, tối ăm dêi pó túa ki rơkê tơtro mơnhông mơdêk, hnê mơjiâng mơngế pêi cheăng , ki má lối cho tung mâu kơvâ cheăng Sơn Đông  ai rơdêi. Pôa pơkâ thế Sơn Đông tối túa ki rơkê tơtro pêi pro Kơpong Tê mơdró tơ’lêi hlâu ƀă troăng hơlâ tơ’lêi hlâu kơchơ mơdró vâ tŏng gum khu tê mơdró Việt Nam châ achê kơchơ mơdró lĕm tro tâ.