A roh trâm mâ, kuăn pơlê cheăm Tà Năng tối hên rơkong tơpui pâ thế tơdjâk troh tơdroăng rêh ối, pêt mơjiâng tơmeăm, kum rêh ối pơlê pơla ƀă tơdroăng pêi cheăng dêi khu râ kăn pơkuâ. Xông tơpui a roh trâm mâ, pôa Phan Đình Trạc mơnhên mâu rơkong pâ thế tơxâng dêi kuăn pơlê, mơnhên Khu râ kăn teăng mâ Kuô̆k hô̆i kong pơlê kô tơkŭm tâi tâng, pơtroh troh mâu kơ koan ai hnoăng séa ngăn, tơleăng tung pơla rĕng má môi.

Tơdrêng amê pơkâ kong pơlê Lâm Đồng tơmâng, tơleăng inhên tơdroăng xing xoăng mơ-éa mơnhên hnoăng xúa tơnêi, pêi pro tro pơkâ luât, tơniăn hnoăng ki tơxâng dêi kuăn pơlê; tơdrêng amê pơcháu kơ koan kŏng an séa ngăn, mơnhên inhên tơdroăng ki hía mơ-éa mơnhên xúa tơnêi vâ tơleăng tiô pơkâ.