Teăng mâ kăn pơkuâ Đảng, Tơnêi têa diâp inâi Ngoh khên tơnôu khu lêng kring vế kuăn pơlê ăm Khu xiâm cheăng kơmăi kơmok, pôa Tô Lâm, Kăn xiâm pơkuâ hnê ngăn cheăng Đảng tối rơdêi, tơkâ luâ 80 hơnăm mơjiâng, tơplâ ƀă mơnhông, kăn ƀô̆, lêng, khu lêng ki rơkê, kŏng nhân viên chưk, ngế pêi cheăng ‘na lêng dêi kơvâ cheăng lêng hdrối nah ƀă Khu xiâm Kơmăi kơmok cheăng lêng dêi kơvâ cheăng lêng nôkố hiăng mơhno nhên ivá khên tơnôu ‘na cheăng kal kí krá rơdêi, tơdrăng khât ƀă tơdroăng cheăng kăch măng dêi Đảng, hiâm mơno tơkâ luâ, mơ-eăm xêh, kơhnâ, rơkê, tơmiât pêi rơkê, tơrŭm krá ƀă Kuăn pơlê.

Tung la ngiâ ah, vâ pêi pro klêi mâu tơdroăng pơkâ mơjiâng Khu lêng kuăn pơlê Việt Nam kăch măng, chính quy, ƀĕng ƀeăn, rơkê, Kăn xiâm pơkuâ hnê ngăn cheăng Đảng pơkâ thế Khu kăn Đảng lêng Tơnêi têa, Khu xiâm pơkuâ ngăn lêng tơkŭm pơkuâ, hnê mơhno Khu xiâm cheăng kơmăi kơmok lêng đi đo séa ngăn kơtăng, tơƀrê mâu troăng pơkâ hnê mơhno dêi Đảng, Tơnêi têa, khu lêng ‘na mơjiâng kơmăi kơmok cheăng lêng, tơrŭm krá pơla cheăng lêng ƀă cheăng kâ ƀă cheăng lêng troh hơnăm 2030.