Kăn xiâm pơkuâ hnê cheăng Đảng khĕn kơdeăn mâu tơdroăng hiăng pêi châ tơƀrê klêi hôp rôh má môi, malối cho tơdroăng Pơkâ 193 ƀă 12 luât pơkâ mơnúa pêi vâ pêi tơdroăng Pơkâ 57 dêi khu xiâm kal kí. Kăn xiâm pơkuâ hnê cheăng Đảng tối nhên, pơhlêh kơxô̆ tung mâu kơ koan Đảng hiăng hlo tơƀrê hên, pro pơxúa hên ăm kuăn pơlê ƀă khu mơdró, pro xiâm ki kal vâ mơjiâng Tíu xiâm chêh ‘măn rak mâu tơdroăng kal tơnêi têa.

La Kăn xiâm pơkuâ hnê cheăng Đảng xuân tối ăm hlo mâu tơdroăng ki kal thế tơmâng tơkâ luâ xơpá; hlối thế tah tíu ki xơpá ‘na luât, luât pơkâ tŏng gum ƀă rak tơniăn vâ tơƀrê. Kăn xiâm pơkuâ hnê cheăng Đảng  pơkâ thế xoăng ki iâ má môi 30% liăn ngân hơnăm 2025 ăm mơnhông cheăng khoa hok kơmăi kơmok, mơnhông châ 2% GDP tung 5 hơnăm pơtối.

Mâu Khu xiâm kơvâ cheăng, kong pơlê tơkŭm pêi klêi mâu tơmeăm khoăng ‘na kơxô̆, tơdroăng cheăng ƀă kơxô̆, malối cho Tíu xiâm chêh ‘măn rak mâu tơdroăng kal tơnêi têa ‘na mơdró kâ ‘na tơnêi; thế khên tơnôu rah xo mâu tơmeăm, mâu troăng hơlâ xúa khoa hok kơmăi kơmok, pơ’lêh nếo hriăn plĕng ki nếo, pơhlêh kơxô̆ rĕng pêi pro.