Cho kong pơlê kong ngo, tíu tơkăng kong kal má môi tung tơdroăng kring vế gak ngăn vâ tơniăn, ƀă thế tơniăn ‘na tơpui kâ, tung pơla ối hên  tơdroăng xơpá la Hà Giang hiăng kâi mơnhông tơƀrê tung tŭm tơdroăng  cheăng kâ - rêh ối pơlê pơla, kring vế tơniăn cheăng lêng - tíu tơkăng kong, mơ-eăm pơhlêh tơdroăng rếh ối dêi mâu hdroâng kuăn ngo a kơpong hngế hngo, kơpong kơtiê xơpá.

A rôh pêi cheăng, pôa Tô Lâm, Kăn xiâm pơkuâ hnê cheăng Đảng tối nhên mâu tơmeăm khoăng ai hlâu tơ’lêi vâ mơnhông dêi kong pơlê, pơkâ thế, tung la ngiâ kong pơlê tơmâng khât tâ mơnhông cheăng kâ - rêh ối pơlê pơla, pơtối rak tơmeăm khoăng ai hlâu, po troăng tăng khu ‘no liăn cheăng, mơnhông Hà Giang xông tơƀrê tŭm tơdroăng, mơ-eăm ki iâ thế tơ’mô ƀă kơlo pêi lo dâ dâng dêi lâp tơnêi têa.

Hà Giang thế mơ-eăm kân tâ, rơkê ƀeăn, hriê̆ă plĕng tơdroăng ki nếo tung pêi cheăng, pơhlêh dêi tơná, khên tơmiêt, khên pêi, ‘mâi hơ’lêh rơdêi  tơdroăng pro hlá mơ-éa ƀă ‘na hyôh kong prâi tơdroăng ‘no liăn cheăng tê mơdró, hbrâ tăng troăng vâ pêi ôh tá xê to tơkôm to Tíu xiâm veăng gum.

Hdrối mê, pôa Tô Lâm, Kăn xiâm pơkuâ hnê Đảng rơtế ƀă mâu kăn lăm pêi cheăng troh pleăng reăng tơbâ pôa Hồ Chí Minh, Kăn xiâm hnê ngăn tơnêi têa ki apoăng a um meăn Pôa Hồ tung kơdrum tíu cheăng Đảng kong pơlê Hà Giang.