Tơpui ‘na troăng hơlâ tơrŭm cheăng ki kân tung la ngiâ, péa pâ vâ môi tuăn mơdêk tơrŭm cheăng , trâm mâ mâu kăn ƀă rêm râ; tơbleăng pêi tơƀrê mâu luât tơrŭm cheăng péa pâ ƀă mơjiâng mâu luât ki nếo, tơtro ƀă tơdroăng púi vâ tơrŭm cheăng péa tơnêi têa; tăng pêi tơƀrê tơmeăm khoăng tơrŭm cheăng tung mâu kơvâ ki ê, malối cho cheăng lêng kring- gak tơniăn, tê mơdró - ‘no liăn cheăng,  pêi cheăng hnê hriâm, hnê túa lĕm tro, ôm hyô hlối trâm mâ tơpui ƀă kuăn pơlê.

Pôa An War Ibrahim, Ngế pro xiâm ngế ngăn kong têa vâ môi tuăn tơrŭm cheăng krá kak vâ pơhlêh nếo tung tơrŭm cheăng kâ, tê mơdró ƀă ‘no liăn cheăng pơla péa tơnêi têa; môi tuăn pơkâ dêi Việt Nam tung tơrŭm cheăng, tăng ‘nâi plĕng ƀă xúa mâu rôh ki nếo vâ mơdêk tơrŭm cheăng tung mâu tơdroăng kal ki ê mê cho túa lĕm tro, hnê hriâm, ôm hyô.