Pôa Tô Lâm, Kăn xiâm pơkuâ hnê ngăn Đảng ăm ‘nâi, kơtăn kố lối 65 hơnăm, hâi lơ 28/11/1959, Pôa Hồ Chí Minh, Kăn xiâm pơkuâ hnê ngăn tơnêi têa hneăng apoăng ai chêh “Têt pêt loăng’’, chêh mơ’no tung hlá tơbeăng Nhân Dân, krếo thế rêm ngế, rêm hngêi, rêm khu grup, kong pơlê rơtế kơhnâ tơ’noăng pêt loăng, rak ngăn loăng ngiât ƀă tối nhên ki pơxúa kân kĭn ƀă ki pơxúa khât pêt loăng, pro kong.

Kăn xiâm pơkuâ hnê ngăn Đảng tối, troh nôkố rêm rôh rơnó Hơngui troh, “Têt pêt loăng” hiăng chiâng môi hâi leh dêi tâi tâng Đảng, tâi tâng kuăn pơlê ƀă tâi tâng mâu lêng pin. Kố ôh tá xê to môi hdrôh pêi pro hên tơdroăng ki pơxúa nhên khât vâ mơhno tơhrâ rơdêi dêi Việt Nam a ngiâ lâp plâi tơnêi ƀă tơbleăng troăng hơlâ tơnêi têa ‘na hyôh kong prâi  hơ’lêh, troăng hơlâ môi plâi tơnêi ngiât lĕm, xua tơdroăng mơnhông rơdêi ƀă krá kak dêi tơnêi têa.

Rôh kố, Kăn xiâm pơkuâ hnê ngăn Đảng pơkâ thế, mâu khu xiâm kơvâ cheăng, malối cho khu xiâm ngăn tơmeăm khoăng têa ƀă Hyôh kong prâi, khu xiâm ngăn Chiâk deăng ƀă Mơnhông thôn pơlê kal tơrŭm, mơdêk tơdroăng séa ngăn, hnê mơhno mâu kong pơlê pêi ai pơxúa tơdroăng mơhnhôk pêt loăng.