Klêi kơ’nâi tơpui tơno, ai hên mâu tơdroăng cheăng ki mơnhên tung mâu khế hơnăm hdrối mê hía nah, kơpong pêi cheăng kâ Việt Nam hiăng ai mâu hvêa chêng prôk ki kal kân, laga, xuân ối trâm hên tơdroăng ki tơvâ tơvân, ing mê, pro tơdjâk hên khât troh tơdroăng ki pơtối mơnhông hnoăng cheăng, ivá cheăng dêi hên khu pêi cheăng kâ pá kong ƀă hnoăng ki mơnhông ‘na pêi cheăng kâ dêi tơnêi têa pin.

Xua ti mê, kố cho roh ki ôh tá la lâi chiâng lôi ton, athế xut tah lôi mâu luât ki pro mơnhêa, mơnhĕn, tơdroăng ki tơvâ tơvân, mơnhông ivá cheăng dêi kơpong pêi cheăng kâ ki kal kố, veăng gum pơkâ nhên ‘na rak vế, pêi pro ƀlêi chiâng hnoăng cheăng xiâm tung mơnhông Tơnêi têa troh a hơnăm 2030 ƀă hơnăm 2045, ƀă tâi tâng Đảng, tâi tâng kuăn pơlê pin hiăng mơjiâng pro ƀă khŏm châ chiâng pêi pro.

Xông tơpui a roh pêi cheăng mê, pôa Tô Lâm, Kăn xiâm pơkuâ hnê ngăn pa môi xoh nếo tối nhên, tơdroăng pêi cheăng kâ krê pa kong cho ivá ki kal kân tung tơdroăng cheăng kâ tê mơdró tiô troăng hơlâ xah hô̆i chuh ngiah, maluâ cho tơdroăng ki thăm mơdêk cheăng. Tung la ngiâ ah, Đảng, Tơnêi têa kô ai mâu troăng hơlâ ki kân, ki kal vâ mơjiâng ivá cheăng ăm kơpong pêi cheăng kâ krê pa kong mơnhông ó rơdêi hên tâ nếo, vâ mâu khu mơdró kâ châ mơnhông kro mơdrŏng, veăng gum tơxâng tung tơdroăng mơnhông pêi cheăng kâ rêh ối pơlê pơla dêi tơnêi têa.