Tiô pôa Tô Lâm, Kăn xiâm pơkuâ hnê ngăn cheăng Đảng, mot tung chal ki pơhlêh nếo, malối cho mâu hơnăm achê kố, Khu xiâm Hậu cần – Kỹ thuâ̆t xuân hiăng pêi rơkê khât hnoăng cheăng tí tăng ‘nâi plĕng cheăng tung la ngiâ ăm kăn pơkuâ ngăn Đảng lêng Tơnêi têa, Khu xiâm pơkuâ ngăn lêng mâu troăng hơlâ pơkuâ, hnê mơhno ‘mot tơkŭm, vêh tơkŭm kơ koan, tíu pêi cheăng hậu cần – kỹ thuâ̆t ‘nâng ‘nâi, tơdâng, môi tuăn sap ing kong pơlê troh râ tâi tâng khu lêng mơjiâng ƀă tơbleăng pêi tơƀrê hên tơdroăng pơkâ, tơdroăng tơkêa bro, túa pơkâ pêi ai pơxúa tung cheăng la ngiâ ‘mâi mơnhông, mơdêk ki ai hlâu, tơdroăng plâ, tŏng gum ‘na lêng; mơdêk ivá rơdêi tơplâ, veăng gum mơjiâng khu lêng iâ rơdêi, chính quy, rơkê.

Tung la ngiâ ah, tối nhên pơkâ thế, pơtối mơjiâng khu lêng ƀă kơvâ cheăng tŏng gum kih thuât kăch măng chính quy, ƀĕng ƀeăn, rơkê, pêi châ tơdroăng cheăng mơjiâng ƀă rak vế krá rơdêi Tơnêi têa tung tơdroăng nếo, Kăn xiâm pơkuâ hnê ngăn cheăng Đảng pơkâ thế Khu xiâm Tŏng gum - kih thuât tơkŭm pêi pro tro 5 tơdroăng cheăng ki kal mê cho tơkŭm pơkâ kơtăng, hriâm tâp, tơbleăng pêi mâu tơdroăng pơkâ, tơdroăng hnê mơhno, mơgêi, pơkâ dêi Tơnêi têa, Khu kăn Đảng lêng Tơnêi têa, Khu xiâm pơkuâ ngăn lêng, ki kal cho Pơkâ Hneăng hôp XIV dêi Đảng, Pơkâ Hneăng hôp kân Đảng ƀô̆ Khu lêng rôh má XII, mâu Pơkâ tung la ngiâ dêi Khu xiâm pơkuâ tơdroăng kal kí nếo pơkâ.