Teăng mâ mâu kăn pơkuâ Đảng, Tơnêi têa diâp Mê dái Hồ Chí Minh rôh má 2 ăm Khu cheăng Tơnêi têa, pôa Tô Lâm, Kăn xiâm pơkuâ hnê ngăn cheăng Đảng tối rơdêi, cheăng tung tơnêi têa đi đo châ Đảng ƀă Hồ Chí Minh tơmâng ngăn khât, mơnhên cho kơvâ cheăng ki xiâm vâ rak vế Đảng, rak vế tơdroăng pơkâ tŏng gum, rak vế hnoăng ƀă ki pơxúa tro luât, tơxâng dêi Kuăn pơlê. Tơdrêng amê hlối tối nhên, tung rêm hneăng, maluâ tung tơdroăng xơpá, ôh tá tơniăn, mâu rơxông kăn ƀô̆ kơvâ cheăng Đảng đi đo tơdrăng ƀă Đảng, Tơnêi têa ƀă Kuăn pơlê; pêi pro kơtăng mâu pơkâ, krá rơdêi hiâm mơno khên tơnôu; kơhnâ, tơdrăng, khên tơnôu tơplâ rak vế ki tro, khŏm mơ-eăm tơtrâ mâu tơdroăng ôh tá tro.

Tối nhên, tung chal mơnhông nếo, kơvâ cheăng Đảng athế pơtối mơdêk khôi hmâ khên tơnôu 60 hơnăm hdrối; pôi tá la lâi pơtê pơhlêh nếo, túa pơkâ ƀă pêi; mơdêk tí tăng ‘nâi plĕng cheăng tung la ngiâ; rak vế krá ƀă pêi pro tro hnoăng cheăng ăm Đảng tung kơvâ cheăng xiâm, hbrâ mơdât kâ kơluâ, pro mơhrê liăn ngân ƀă pơhlêh luât.