Tơpui a rôh pêi cheăng, pôa Tô Lâm, Kăn xiâm pơkuâ hnê ngăn cheăng Đảng tối nhên, Đảng pin hiăng mơnhên tơdroăng mơnhông cheăng kâ cho hnoăng cheăng ki xiâm xua mê pơchuât tơbleăng cheăng kâ rêh ối pơlê pơla cho pơchuât tơbleăng tơdroăng ki kal tung pơla pơkâ dêi troăng hơlâ pơkâ pêi dêi Đảng.

Tối nhên, Pơchuât tơbleăng dêi Khu ngăn cheăng kâ athế cho rơkong tơpui tối leăng châ khu ngăn tơdroăng kal kí hâk vâ cho tơdroăng ki pêi châ mâu pơkâ mơ’no, pôa Tô Lâm, Kăn xiâm pơkuâ hnê ngăn cheăng Đảng pơchân, tơdroăng pơkâ pêi cho tâi tâng hên má môi a Hneăng hôp Đảng lâp tơnêi têa rôh má 14 mê cho pơkâ mâu tơdroăng pêi tung la ngiâ vâ Tơnêi têa tơniăn mơnhông ƀă pơtối mơdêk tơdroăng rêh kâ ối kuăn pơlê.

Kăn xiâm pơkuâ hnê ngăn cheăng Đảng pơkâ thế kal hlê plĕng tŭm mâu tơdroăng ki pro pơhlêh vâ rak tơniăn tơdroăng pơkâ pêi vâ mơnhông ƀă tơdroăng mơnhông tơniăn krá ton, tơmiât troh pơkâ pêi má mơ’nui cho pơtối mơdêk hiâm mơno kố, xua mê tung plâ pơchuât tơbleăng cheăng kâ rêh ối pơlê pơla athế mơhno châ hiâm mơno kố. Khŏm mơeăm athế mơnhông rĕng ƀă krá ton cho tơdroăng ki pơhlêh tơƀrê luâ tơná mê nếo pêi pro châ mâu tơdroăng pơkâ mơ’no.