A rôh hôp, klêi tơpui tơno, Khu hnê mơhno hiăng môi tuăn mơnhên tối, sap ing apoăng hơnăm troh nôkố,  maluâ athế tơkŭm pơkuâ, hnê mơhno, pêi pro rơtế môi xôh hên tơdroăng cheăng ki kal, pêi tơdrêng, pêi pro tơdroăng tung la ngiâ, malối cho pêi klêi xing xoăng, pro lế lê̆m mâu ngế cheăng kơ koan cheăng.

La ƀă2 tơdroăng ki veăng pêi dêi khu pơkuâ tơdroăng kal kí, tơdroăng pơkuâ, hnê mơhno rơkê tro, kơtăng dêi Tơnêi têa, Khu xiâm pơkuâ tơdroăng kal kí, Khu pơkuâ ngăn Đảng ƀă dêi pôa Tô Lâm, Kăn xiâm pơkuâ hnê ngăn cheăng Đảng – Ngế xiâm pơkuâ Khu hnê mơhno, rơtế ƀă ivá mơeăm dêi mâu kơ koan ki ai tơdjâk, hnoăng cheăng hbrâ mơdât kâ kơluâ, pro mơhrê liăn ngân, pơtối châ tơbleăng pêi kơtăng, tro, ƀă hên túa pêi nếo, tơdrăng, rơkê, châ vâi hâk vâ.

Tơdrêng amê, cheăng hbrâ mơdât kâ kơluâ pro mơhrê liăn ngân pro pơxúa tơƀrê khât, rế hía rế peie châ tơdroăng púi vâ tro tâ tung pơkâ thế hnoăng cheăng mơjiâng Đảng, khu pơkuâ tơdroăng kal kí ƀă tơdroăng pơkâ pêi mơdêk mơnhông cheăng kâ rêh ối pơlê pơla, thăm mơnhông 8% tung hơnăm kố ƀă tâk péa kơxô̆ tung mâu hơnăm ki pơtối.