A rôh hôp, Kăn xiâm pơkuâ hnê ngăn cheăng Đảng pơkâ thế, mâu ngế cheăng tung Khu hnê mơhno cheăng tung pơla tơbleăng tơdroăng cheăng athế ai pơxúa ví tơdroăng ki pro mơhno pa gong, hbrâ rơnáu tơrŭm krá tơniăn ƀă mâu kơ koan ki ai tơdjâk troh rak vế tơniăn tơdroăng cheăng athế tơdâng tơ’mô ƀă rĕng, ví tơdroăng ki chiâng hên hĭn tơdroăng, xơpá ăm dêi rơpó, tung tơdroăng cho Khu hnê mơhno cheăng ôh tá pro pơhlêh tơdroăng cheăng dêi mâu Khu xiâm kơvâ cheăng ki ai tơdjâk troh.

Ăm rơkong veăng tơpui ‘na tơdroăng pêi cheăng tung hơnăm 2025, Kăn xiâm pơkuâ hnê ngăn cheăng Đảng môi tuăn ƀă 10 tơdroăng cheăng ki kal ƀă 18 tơdroăng cheăng pơkâ pêi ki nhên dêi Khu hnê mơhno cheăng, pơkâ thế pơtối ‘mot tơ’nôm mâu tơdroăng cheăng dế trâm tung tơdroăng ki ai khât; pơkâ thế sap ing hneăng má 1/2025 mâu khu xiâm, kơvâ cheăng kal mơjiâng tơdroăng pêi pro Pơkâ 57 dêi Khu xiâm pơkuâ tơdroăng kal kí ‘na mơnhông tơƀrê mơjiâng khoa hok, kong ngê̆, pơhlêh nếo tơmiât rơkê ƀă pơhlêh kơxô̆ tơnêi têa rak tơniăn tơdâng pơxúa dêi khu mơdró kâ ƀă kuăn pơlê.