Pôa Tô Lâm, Kăn xiâm pơkuâ hnê ngăn cheăng Đảng khĕn kơdeăn Lưh đoân răng on 490 tung pơla hdrối kố nah hiăng pêi pro tro hnoăng cheăng hnê hriâm tơdroăng kal kí hiâm mơno, mơjiâng tuăn mơno tơrŭm, môi tuăn khât, mơdêk ki hlê plĕng ‘na tơdroăng cheăng, hnoăng cheăng pôu râng ƀă khŏm mơ-eăm ăm kăn ƀô̆, lêng dêi Lưh đoàn.

Vâ pêi pro klêi hnoăng cheăng châ pơcháu tung pơla hneăng nếo, kăn xiâm pơkuâ hnê ngăn cheăng Đảng pơkâ thế, Lưh đoân athế pơtối pơkâ kơtăng tơdroăng Hneăng hôp Đảng lâp tơnêi têa rôh má 13, Pơkâ hneăng hôp Đảng ƀô̆ Khu lêng rôh má 11, mâu pơkâ, hnê mơhno dêi Khu pơkuâ ngăn Tơnêi têa, Khu xiâm tơdroăng kal kí, khu kăn pơkuâ ngăn Đảng lêng Tơnêi têa, Khu xiâm pơkuâ ngăn lêng vâ pro pơhlêh ƀă pêi pro tơƀrê tung Lêng kơnŏng ƀă Lưh đoàn 490.

Drêng kố, Kăn xiâm pơkuâ hnê ngăn cheăng Đảng xuân pơkâ thế, athế rak ngăn đi đo mơjiâng Đảng ƀô̆ Lưh đoân pêi pro tro ƀă klêi rơkê hnoăng cheăng, pêi pro tro tơdroăng hriâm tâp ƀă pêi tiô hiâm mơno tuăn tơmiât, túa rêh ối ki rơkê plĕng, tơxâng ƀă inâi “Mố đô̆i Pôa Hồ” chal ki nếo.