Tung rôh lăm pôu kố, kăn pơkuâ péa Đảng, péa tơnêi têa kô tơpui tơno trâu hơngế, mơnhên tối mâu túa tơmiât pêi, troăng hơlâ pơkâ pêi ki kân mơdêk tơrŭm cheăng pơla péa pâ mơnhông tơƀrê, ai pơxúa, tơtro ƀă ki pơxúa ƀă tơdroăng púi vâ dêi kuăn pơlê péa tơnêi têa, tơtro ƀă mâu tơdroăng pơkâ ki ai tơdjâk troh, veăng gum tung tơdroăng ki hơniâp lĕm, tơniăn, tơrŭm ƀă mơnhông a kơpong ƀă tung lâp plâi tơnêi.

Péa pâ hiăng môi tuăn thăm mơnhông pơtroh mâu khu râ kăn lăm pôu ƀă trâm mâ khu râ kăn, po rơdâ trâm mâ, pơtroh khu râ kăn troh a tơnêi têa dêi rơpó tiô troăng Đảng, Tơnêi têa ƀă khu râ kuăn pơlê tiô túa ki ai pơxúa, tơƀrê vâ thăm mơnhông hlê plĕng dêi rơpó ƀă tối ăm dêi rơpó mâu tơdroăng ki rơkê plĕng tung mâu kơvâ cheăng ki péa pâ vâ ‘nâi.