Pôa Tô Lâm, kăn xiâm pơkuâ hnê ngăn cheăng Đảng trâm mâ mâu kăn Kuô̆k hô̆i rơxông hneăng hdrối.
Thứ năm, 05:00, 28/08/2025
Tơplôu: Katarina Nga/VOV
Tơplôu: Katarina Nga/VOV
VOV.Xơ Đăng - Kơxo lơ 27/8, a Hà Nội, pôa Tô Lâm, Kăn xiâm pơkuâ hnê ngăn cheăng Đảng veăng hôp ƀă pơkuâ po rôh trâm mâ mâu rơxông kăn Kuô̆k hô̆i hneăng hdrối drêng Tơbâ 80 hơnăm Kăch măng Khế Tơheăm, mơjiâng Tơnêi têa lơ 2/9 ƀă tơmiât troh 80 hơnăm Hâi pôk kăn xiâm hnê Kuô̆k hô̆i Việt Nam ki apoăng.
Kăn xiâm pơkuâ hnê ngăn cheăng Đảng pơtroh rơkong kơ-êng, mơnê troh mâu kăn pơkuâ hneăng hdrối ƀă mâu kăn Kuô̆k hô̆i mâu hneăng. Pôa tối rơdêi, 80 hơnăm hdrối, Kuô̆k hô̆i Việt Nam đi đo rơtế prôk ƀă kuăn pơlê, cho tíu ki tơpui tơno, pơkâ mâu tơdroăng ki kal, mơhno hiâm mơno púi vâ dêi kuăn pơlê.
Pơchuât tơbleăng a ngiâ dêi lối 2.200 ngế kăn, kăn xiâm pơkuâ hnê ngăn cheăng Đảng tối nhên troăng tơmiât mơnhông tơnêi têa tung la ngiâ, malối cho pêi pro ƀlêi chiâng Pơkâ Hneăng hôp 13 ƀă hbrâ tro ăm Hneăng hôp 14 dêi Đảng.
Pôa tối nhên 3 túa pơkâ: rak vế hnoăng pơkuâ, tâi tâng tơnêi tơníu ƀă tơniăn ăm pơlê pơla; mơnhông rĕng, krá tơniăn ton; pôi tá pơtê mơnhông tơdroăng rêh ối liăn ngân, hiâm mơno dêi kuăn pơlê.
Viết bình luận