Kơ’nâi 80 hơnăm, kơvâ hiăng tối rơdêi hnoăng cheăng tung la ngiâ tung rak tơniăn kế kâ, rak vế kong kế kong prâi, sinh hok ƀă tơniăn túa rêh kâ ối ăm lối chât rơtuh ngế kuăn pơlê pêi chiâk. Ing tơdroăng ki ôh tá bê kâ, Việt Nam hiăng mơ-eăm chiâng tơnêi têa tê tơmeăm pêi lo ing chiâk xiâm lâp plâi tơnêi.

Teăng mâ kăn pơkuâ hnê ngăn Đảng Tơnêi têa, Kăn xiâm pơkuâ hnê ngăn cheăng Đảng diâp Mê dái pêi cheăng má Môi ăm Khu xiâm ngăn Chiâk deăng ƀă Hyôh kong prâi, khĕn kơdeăn mâu ngế ki pêi cheăng tơƀrê, tối rơdêi kơvâ cho cheăng xiâm dêi cheăng kâ ƀă mơnhông krá ton. Kăn xiâm pơkuâ hnê ngăn cheăng Đảng pơkâ thế tâi tâng kơvâ pơtối pơhlêh nếo túa tơmiât, pêi pro kơtăng tâ, rĕng pơhlêh troăng hơlâ dêi Đảng ‘na pêi chiâk, kuăn pơlê pêi chiâk, thôn pơlê; pơkuâ ngăn kong kế, rak vế hyôh kong prâi, hbrâ ví ƀă kong prâi pro pơhlêh, veăng gum pêi pro ƀlêi chiâng Pơkâ Hneăng 14 dêi Đảng .