A leh tơbleăng, kăn pơkuâ kong pơlê Hưng Yên ăm ‘nâi, ing hơnăm 2022 nah troh nôkố, tung lâp kong pơlê hiăng pêt châ lối 126 rơpâu xiâm loăng ngiât. Tung mê, hơnăm 2024, tung lâp kong pơlê Hưng Yên hiăng pêt châ lối 38.400 xiâm loăng, hiăng pro 185 troăng prôk ai loăng ngiât nếo; mâu kơpong kơphô̆, mâu kơpong ối, kơpong cheăng ƀă kơmăi kơmok thôn pơlê, hngêi trung hriâm, hngêi pơkeăng, tíu pêi cheăng, tíu xối tơbâ – túa lĕm tro pơrá pêi pro tro tơdroăng ki pêt loăng.

Tâi tâng kơxô̆ liăn roê loăng pêt ăm kuăn pơlê troh nôkố cho 92,6 rơtal liăn. Tung la ngiâ ah, kong pơlê Hưng Yên mơ-eăm pêt tâi a mâu troăng prôk tung kong pơlê ƀă rak tơniăn pêi klêi tiô pơkâ thôn pơlê nếo mơdêk ƀă mâ râ cheăm, râ tơring ƀă râ kong pơlê, tơdrêng amê hlối pơtối rak ngăn mâu hdrê loăng hiăng pêt pro tơnêi tơníu chiâng ngiât – krúa – lĕm; thăm mơdêk séa ngăn, hnê mơhno mâu tơring cheăm; mâu kơ koan, khu mơdró kâ pêi pro tro hnoăng cheăng pêt loăng tiô Pơkâ mơ’no.