Teăng mâ mâu kăn pơkuâ Đảng, Tơnêi têa diâp inâi Ngế khên tơnôu Pêi cheăng ăm kơvâ Arak luât kuăn pơlê, pôa Tô Lâm, Kăn xiâm pơkuâ hnê ngăn cheăng Đảng khê̆n kơdeăn mâu tơdroăng pêi pro ƀlêi chiâng kân ki kơvâ cheăng arak luât kuăn pơlê hiăng pêi châ tung plâ 65 hơnăm hdrối.

Kăn xiâm pơkuâ hnê ngăn cheăng Đảng pơkâ thế, tâi tâng kơvâ cheăng séa ngăn arak luât tung la ngiâ ah athế đi đo séa ngăn ƀă pêi pro tơƀrê hnoăng cheăng kal kí dêi tơnêi têa tung chal ki mơnhông tơná dêi hdroâng mơngế, pơkâ tơdroăng cheăng dêi kơvâ tung tâi tâng pơkâ thế mơjiâng Tơnêi têa luât pơkuâ xah hô̆i chuh ngiah, tung pơla Đảng pin dế hnê mơhno mơdêk rơdêi tŭm têk rôh pơhlêh nếo, pêi pro tơdâng tơ’mô mâu hnoăng cheăng tung la ngiâ, mâu troăng hơlâ mơnhông tơƀrê vâ mơnhông rĕng ƀă krá tơniăn, rak ngăn tŏng gum tơdroăng rêh ối kuăn pơlê, rak vế tơniăn krê, hnoăng pơkuâ, tơniăn tơdroăng cheăng kal kí rêh ối pơlê pơla ƀă tơrŭm cheăng trâu hngế ƀă lâp plâi tơnêi.