A cheăm Quảng Điền (pơlê kong kơdrâm Huế) Kăn xiâm pơkuâ hnê ngăn Đảng lăm pôu, kơ-êng, hơlêm hlo mâu tơdroăng tro lŭp kế tơmeăm, hiá tơmeăm khoăng, hlâ rong kuăn mơngế xua kong mêi kân têa lân lu pro ƀă púi vâ kuăn pơlê mơ-eăm tơkâ luâ xơpá, rĕng châ tơniăn tung rêh ối.

Kăn xiâm pơkuâ hnê ngăn Đảng  tối nhên, Đảng, Tơnêi têa, mâu khu tơrŭm cheăng, khu grup ƀă kuăn pơlê tung lâp tơnêi têa hiăng veăng kum kơpong Tơdế tơnêi têa ƀă pơlê kong kơdrâm Huế ƀă tuăn mơ-eăm vâ gum “hlá lĕm lŭm hlá tơchiê’’, teăm kơjo kum tơdrêng, hlo nhên tơdroăng xơpá vâ rĕng teăm tŏng veăng kuăn pơlê kơpong têa lân lu.

Rôh kố, Kăn xiâm pơkuâ hnê ngăn Đảng hiăng diâp kơjo kum 100 rơtal liăn ƀă 200 tâ̆n phái ăm Đảng ƀô̆, mâu kăn ƀă kuăn pơlê dêi pơlê kong kơdrâm Huế.