A Rôh pêi cheăng, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối, mơjiâng tơmeăm khoăng cho tơdroăng ki kal pêi pro, ai pơxúa ton ta ah ƀă tơdrêng ‘mâi mơnhông tơdroăng vâ mơnhông tơƀrê, mơdêk tơbriât cheăng ƀă pro xiâm ki vâ djâ Việt Nam chiâng tơnêi têa mơnhông tơƀrê a hơnăm 2045. Kăn xiâm pơkuâ hnê ngăn Đảng, Kăn xiâm hnê ngăn tơnêi têa khĕn kơdeăn mâu tơdroăng hiăng pêi pro ki Chin phuh, mâu khu xiâm, kong pơlê hiăng pêi châ tơƀrê tung ‘mâi mơnhông tơnêi têa tung mâu hơnăm hdrối kố hía nah, veăng tah hên tíu ki pá ƀă po rơdâ ‘na mơnhông tơƀrê.

Laga, pakĭng mâu hnoăng hiăng pêi pro, tơmeăm khoăng nôkố xuân hâi ai tiô púi vâ tâk péa kơxô̆ ƀă pơkâ chiâng tơnêi têa pê kâ lo liăn hên. Pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối hên ‘na tơdroăng cheăng ki kal ƀă tối, tung troăng mơnhông pơ’lêh nếo, tơmeăm khoăng thế khên xo pêi cho môi hnoăng pêi ki kân: mơjiâng môi ivá pêi cheăng tiô túa nếo, mơdêk tơƀrê tơdroăng cheăng ƀă pro xiâm ‘na kong ngê̆, mơdêk ki kâi trâng ƀă po troăng mơnhông tơƀrê ăm tơnêi têa.