Xông tơpui a rôh trâm mâ, Kăn xiâm pơkuâ hnê ngăn Đảng, Kăn xiâm hnê ngăn tơnêi têa mơnhên, Đảng, Tơnêi têa đi đo tơmâng tŏng gum, gâk kring lĕm tro tâ hnoăng, ki pơxúa tơxâng dêi mơngế Việt Nam a kong têa ê, xuân môi tiah pro tơ’lêi hlâu vâ mơngế Việt Nam a kong têa ê rế hía rế vâ ƀă pơlê xiâm.

Ƀă ihiâm mơno kố, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa mơnhên, Đảng, Tơnêi têa đi đo tơmâng tŏng gum, gâk kring lĕm tro tâ hnoăng ki chiâng pêi, hnoăng pơxúa tơxâng dêi mơngế Việt Nam a kong têa ê, xuân môi tiah pro tơ’lêi hlâu vâ mơngế Việt Nam a kong têa ê rế hía rế tơrŭm ƀă pơlê xiâm. Ƀă ihiâm mơno kố, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn Tơnêi têa krếo kuăn pơlê pin a kong têa ê vâ môi tuăn ó rơdêi ihiâm mơno dêi Tơdroăng xiâm tơbleăng a rôh hôp kơxô̆ 23 dêi Tíu xiâm tơnêi têa; hbrâ veăng, trâu rơdâ tâ tung tơdroăng mơjiâng, mơnhông tơnêi têa ƀă gâk kring Tơnêi têa ing rĕng, ing hơhngế.

Mơngế Việt Nam a kong têa Rusi pơtối mơnhông khôi túa vâi krâ nah tơrŭm môi tuăn, vâ dêi pó, gum dêi pó; thăm mot tơrŭm cheăng, pêi tro lĕm tiô luât; mơjiâng môi pơlê pơla Việt Nam rơkê, ƀeăn ƀĕng, pôu râng hnoăng cheăng ƀă pêng păm khôi túa lĕm tro.