A Hôp tơno tơdroăng kal, mâu kăn teăng mâ tơmâng Tơbleăng tối tơdroăng châ tơƀrê pêi cheăng 9 khế hiăng hluâ; troăng pêi la ngiâ, hnoăng cheăng pêi cheăng ki xiâm 3 khế mơ’nui hơnăm 2026 tung Đảng ƀô̆ Kŏng an Tíu xiâm tơnêi têa ƀă mâu tơbleăng chuyên đê... Xông tơpui hnê mơhno a Hneăng hôp, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa tối nhên, sap apoăng hơnăm troh nôkố, malối sap ing khế 7 troh khế 9 tung hơnăm, khu Kŏng an kuăn pơlê pơtối mơnhên hnoăng djâ troăng ahdrối pêi pro mâu troăng hơlâ, pơkâ dêi Đảng.

Tung mê, hiăng ƀeăn ƀĕng tơbleăng 02 Pơkâ dêi Khu xiâm pơkuâ tơdroăng kal kí 'na Troăng pêi cheăng ton xŏn gâk kring tơnêi têa ƀă mơjiâng pơlê pơla tro tiô luât, tơniăn, rơkê, tơtro, mơnhông mơdêk. ‘Na tơdroăng pêi cheăng ki xiâm sap ing kố troh mơ’nui hơnăm, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ khu Kŏng an kuăn pơlê tơkŭm pêi inhên, pêi pro khŏm châ mâu troăng tơmiêt ‘’kring tơniăn hbrâ xêh’’ đi đo a mâu tơdroăng pêi cheăng Kŏng an.