Kăn xiâm pơkuâ hnê cheăng Đảng má môi, Kăn xiâm hnê ngăn tơnêi têa Cuba khĕn kơdeăn khât mâu hnoăng hiăng châ pêi pro dêi Việt Nam, ing hnoăng pơkuâ dêi Đảng Kŏng san Việt Nam tung mơjiâng ƀă mơnhông tơnêi têa, ngăn mê cho vâ mơhno troăng ahdrối ăm tơdroăng cheăng kăch măng, kŏng sản lâp plâi tơnêi; hlối tối nhoăm tơdroăng tơrŭm ƀă veăng gum tá hiâm tuăn dêi Việt Nam ăm Cuba tung plâ mâu hơnăm kô hía nah.

Pôa Tô Lâm, Kăn xiâm pơkuâ hnê ngăn Đảng tối nếo troăng hơlâ dêi Việt Nam môi tuăn ƀă mâu pơkâ dêi hneăng hôp Hô̆i đong Khu lâp kong têa tung tơdroăng pơkâ thế pơtê tá ăm lăm tê mơdró ƀă Cuba. Tơdroăng vâ pêi troh tơbâ 65 hơnăm hâi mơjiâng tơrŭm cheăng tơpui kâ Việt Nam - Cuba lơ (02/12/1960 - 02/12/2025), Kăn xiâm hnê ngăn péa Đảng, péa tơnêi têa hiăng tối ăm dêi rơpó ‘nâi mâu tơdroăng dêi rêm Đảng, rêm tơnêi têa; tối nếo tơdroăng ki kal tơrŭm cheăng pơla Việt Nam ƀă Cuba, ngăn mê cho tơmeăm khoăng kơnía ki péa pâ kal mơ-eăm ƀă mơnhông tơƀrê.

Péa pâ môi tuăn mơdêk tơrŭm cheăng tung hên kơvâ cheăng vâ mơdêk loi nhoăm tơdroăng kal kí; tơbleăng pêi tơƀrê mâu tơdroăng tơhrâ tơrá mâu kăn châ tơpui rơhéa tung hneăng lăm pôu dêi pôa Tô Lâm, Kăn xiâm pơkuâ hnê cheăng Đảng, Kăn xiâm hnê ngăn tơnêi têa troh Cuba khế 9/2024 kố nah; mơ-eăm tơkŭm pêi mâu tơdroăng cheăng vâ troh tơbâ kân krip, trâm mâ kuăn pơlê tung hơnăm tơrŭm cheăng pơla Việt Nam - Cuba  2025.

-Pôa Tô Lâm, Kăn xiâm pơkuâ hnê cheăng Đảng, Kăn xiâm hnê ngăn tơnêi têa krếo phôn tơpui ƀă pôa Miguel Díaz-Canel, Kăn xiâm pơkuâ hnê cheăng Đảng, Kăn xiâm hnê ngăn tơnêi têa  Cuba