Tơbleăng a rôh pêi cheăng, pôa Tô Lâm - Kăn xiâm pơkuâ hnê ngăn Đảng pơkâ thế, tung la ngiâ kong pơlê An Giang thế pêi tro pơkâ mơjiâng Đảng ƀô̆ ƀă khu kăn cheăng kal kí pêi cheăng lĕm tơdrăng, rơdêi; rak môi tuăn, tro tiô luât vâ pro xiâm ăm mơnhông tơƀrê; mơnhông ‘na cheăng lêng, kring tơniăn, tơpui kâ, tơniăn hyôh kong prâi tơniăn ăm môi tíu tơkăng kong, chuăn rơlố ai tíu ki kal dêi tơnêi têa.

Ing tơdroăng “mơnhông khoa hok  kơmăi kơmok, pơ’lêh nếo, hriăn plĕng ki nếo ƀă pơ’lêh kơxô̆” kal châ pơ’lêh nhên ƀă tơdrăng, tơdroăng tơkêa bro ai pơxúa, ngăn mê cho ki mơ-eăm vâ ăm tâk nếo dêi kong pơlê An Giang. Pakĭng mê, kong pơlê thế mơhnhôk ƀă xúa tơƀrê tŭm tơdroăng, malối ing cheăng kâ krê dêi kuăn pơlê tơrŭm cheăng lâp plâi tơnêi, vâ mơnhông rơdêi rĕng ƀă krá tơniăn.