Kăn xiâm pơkuâ hnê ngăn Đảng mơnhên, mơhé nếo mơjiâng, pơ’leăng mâ mơngế iâ, kong prâi ôh tá tơniăn lĕm, troăng klông pơla mâu rơlố ối hên pá puât laga Thổ Châu pơtối rak tíu hgiên pêi cheăng ton xŏn, gâk kring tơdroăng tơniăn lĕm dêi kơpong têa kơxĭ Tây Nam ƀă tíu tơkăng kong Tơnêi têa.

Mơnhên ki kơnâ má môi ‘na gâk kring tơnêi têa  - gâk kring tơniăn rơtế ƀă tơmeăm mơnhông cheăng kâ, Kăn xiâm pơkuâ hnê ngăn Đảng pơkâ thế mâu râ khŏm mơ-eăm mơjiâng Thổ Châu chiâng kơpong têa kơxĭ rơlố, krá tơniăn, ki xiâm mơnhông dêi Việt Nam, ƀă hiâm mơno ‘’Ko tuk prôk ngiâ têa kơxĭ kân; rak têa kơxĭ, rak kuăn pơlê, rak tơniăn Tơnêi têa’’.

Kăn xiâm pơkuâ hnê ngăn Đảng pơchân tối kong pơlê An Giang tơrŭm mâu khu xiâm, kơvâ cheăng mơjiâng Pơkâ mơnhông krá tơniăn; kơjo troăng klông, kơpong kuăn pơlê rêh ối tơniăn; ki rơhêng vâ tối khăm pơlât kuăn pơlê, hnê hriâm, khôi túa lĕm tro vâ kuăn pơlê, kăn ƀô̆, mâu lêng, vâi hdrêng tíu rơlố hơngế.