Tơbleăng a rôh pêi cheăng, pôa Tô Lâm Kăn xiâm pơkuâ hnê ngăn Đảng pơkâ thế, tung la ngiâ Tíu xiâm ngăn on tơhrik kơtâu ƀă trếo tik nik Việt Nam môi tuăn mơhno troăng hơlâ pêi ôh tá pơtê ôh tá pơ’lêh ki tơniăn xo ki pro lơ ki vâ pêi pro kân, mơ-eăm mơjiâng túa lĕm tro tơniăn cho xiâm, hlối mơnhông tơƀrê on tơhrik tung tơnêi têa vâ pro xiâm dêi tơrêm tơdroăng ki kal hlối tơrŭm cheăng ƀă lâp plâi tơnêi tiô tơdroăng pơkâ rơtế vế hdró, rơtế hriăn pro, rơtế mơ’no, rơtế rak ngăn.

Kăn xiâm pơkuâ hnê ngăn Đảng tối nhên tơ’nôm 9 troăng hơlâ ki kân vâ Tíu xiâm ngăn on tơhrik kơtâu ƀă trếo tik nik Việt Nam kal tơkŭm pêi, tung mê thế pê klêi luât pơkâ pro hlâu vâ mơnhông kơvâ on tơhrik kơtâu ƀă trếo tik nik tơtro ƀă tơdroăng rêh ối cheăng kâ nếo nôkố, mơjiâng tơdroăng cheăng tơnêi têa ‘na kŏng ngê̆ ‘na trếo tik nik vâ tơniăn, ‘na trếo tik nik a kơlo ki tơniăn má môi lâp plâi tơnêi.