Kơxê hâi lơ 27/1, pôa Tô Lâm, Kăn xiâm pơkuâ hnê ngăn Đảng pơkuâ pêi cheăng ƀă Khu kăn pơkuâ hnê ngăn Đảng bô̆ kong pơlê Quảng Ninh ‘na mâu troăng hơlâ mơnhông cheăng kâ - pơlê pơla, rak ngăn kring tơniăn tíu tơkăng kong. Tơbleăng a rôh pêi cheăng ăm hlo, hơnăm 2025, GRDP tâi tâng tơmeăm pêi lo tung kong pơlê Quảng Ninh tâk vâ chê 12%, hên má môi tung lâp tơnêi têa; ki kân ‘na cheăng kâ po rơdâ, pêi cheăng tâk kơpêng 13%,  xo liăn ngân nâp ăm hngêi rak liăn kơpêng 85 rơpâu rơtal liăn, ‘no liăn pêi cheăng pơtối hlo tơƀrê.

Tơbleăng a rôh pêi cheăng, Kăn xiâm pơkuâ hnê ngăn Đảng pơkâ thế Quảng Ninh tơmâng pêi kơtăng tơdroăng tơbleăng tối dêi hneăng hôp kân 14 dêi Đảng, tơbleăng pêi tơdâng mâu tơdroăng vâ pêi tơdroăng ki kal, mơjiâng tơdroăng pêi pro nhên hleăng, pêi ai pơxúa, ‘nâi nhên troăng pro tro ‘ló dêi mơngế pêi, tơdroăng pêi pro, xiâm liăn pêi ƀă xiâm tơdroăng pêi pro. Pakĭng mê, kong pơlê kal thế ‘mâi mơnhông tíu pêi cheăng tơdroăng pêi pro vâ mơnhông tơƀrê, tơkŭm ƀă têa kơxĭ, chuăn, rơlố, tơkăng kong, tơmeăm khoăng ƀă kơphô̆ môi tíu tơmeăm khoăng ki lĕm má môi vâ mơhnhôk cheăng pêi krá tơniăn, ton ta ah.