Tung chôu phut nhoăm pâ, a Điện Kính Thiên, a hdôu ngo Nghiã Lĩnh, pôa Tô Lâm, Kăn xiâm pơkuâ hnê ngăn Đảng hiăng têk nhang mơhno tuăn pâ nhoăm, mơnê hnoăng jâ pôa, mơhno tơdroăng pêi pro ki lĕm “Pâ mâu ai hnoăng tơnêi têa” dêi hdroâng mơngế Việt Nam; rơkâu pâ  jâ pôa veăng gum ăm kong mêi tro tô ‘ló, kuăn pơlê ai tơdroăng rêh ối hơniâp ro; tơnêi têa hơniâp lĕm kro mơdrŏng, rơdêi.

A ngiâ mơhúa jâ pôa, Khu kăn púi vâ pơtối pêi pro tơdroăng lĕm ton nah dêi kuăn cháu ki rơdêi, ôh tá pơtê hriâm, púi vâ veăng ‘no hnoăng hriâm tâp, mơdêk tuăn ngôa rơkê, ivá pêi cheăng vâ xo pêi hnoăng cheăng ki Đảng, Tơnêi têa ƀă kuăn pơlê pơcháu; môi tuăn hnê pơtho pê klêi tơdroăng Pơkâ hneăng hôp kân má 13 dêi Đảng ; hnê pơtho pê klêi hneăng hôp Đảng ƀô̆ rêm râ troh Hneăng hôp mâu kăn tung lâp tơnêi têa rôh má 14 dêi Đảng; mơjiâng tơnêi têa rế mơnhông tơƀrê, rêh ối tơniăn tro luât; hnoăng pơkuâ tơnêi têa châ rak ngăn; tơniăn tơdroăng kal kí; rĕng pê klêi pro rế lĕm khu pêi cheăng ăm tơnêi têa, pêi cheăng tơƀrê, pơxúa vâ mơnhông tơnêi têa mot cheăng tiô rơxông nếo - rơxông ki mơnhông tơná dêi hdroâng mơngế Việt Nam.