A roh tơdah, Kăn xiâm pơkuâ hnê ngăn Đảng rơkâu mâu tơdroăng châ tơƀrê ki kal ki kong têa Kul châ tơƀrê tung pơla kố nah, tối loi tơngah kong têa Kul kô pơtối rak hơniâp lĕm, tơniăn ƀă mơnhông kro mơdrŏng rơdêi. Kăn xiâm pơkuâ hnê ngăn Đảng tối rơdêi tơrŭm Việt Nam – Kul châ mơjiâng ƀă krá tơniăn mơnhông tâ ing tơdroăng tơrŭm môi tuăn, tơrŭm, hbrâ pleăng dêi châ chăn xua tơniăn krê, hơniâp lĕm ƀă mơnhông mơdêk dêi rêm tơnêi têa.

Tơdrêng amê xua pơxúa tơdjuôm dêi ASEAN. Việt Nam đi đo nhuô̆m mâu tơdroăng veăng gum kơnâ dêi kong têa Kul ƀă tơdroăng pêi cheăng tơleăng lĕm hdroâng mơngế ƀă mơnhông dêi Việt Nam. Việt Nam mơnhên pơtối pêi tâi ivá tơná vâ pro krá, mơnhông tơrŭm kong têa ki achê dêi pó lĕm tro tâ, tơrŭm tiô khôi vâi krâ nah ƀă tơrŭm tâi tâng ƀă kong têa Kul, xuân môi tiah tơrŭm pơla pái tơnêi têa Việt Nam – Kul – Lếo.