Kăn xiâm pơkuâ hnê ngăn Đảng phiu ro, mơnhên tơdroăng ki veăng kum kal khât ƀă châ tơƀrê dêi Grup pơkuâ PE xuân môi tiah krê pôa Nate Franklin ƀă tơdroăng mơnhông dêi Việt Nam tung kơvâ on tơhrik ki vêh bro ƀă tơrŭm cheăng pơla Việt Nam – Mih. Kăn xiâm pơkuâ hnê ngăn Đảng mơnhên Mih cho môi tung mâu khu tơrŭm cheăng kâ ki kal má môi dêi Việt Nam, tung tơrŭm cheăng ton xŏn Việt Nam – Mih dế mơjiâng tíu ƀă roh tơ’lêi nếo ăm mâu khu tê mơdró Mih mơ’no liăn cheăng, tê mơdró a Việt Nam.

Kăn xiâm pơkuâ hnê ngăn Đảng tối troăng tơmiât la ngiâ, khŏm mơ-eăm dêi Đảng, Tơnêi têa ƀă kuăn pơlê Việt Nam vâ pêi pro pơkâ mơnhông, chiâng tơnêi têa mơnhông mơdêk, ai tơdroăng pêi cheăng kơmăi kơmok tiô rơxông nếo, pêi lo liăn tơdâng hên a hơnăm 2030, ƀă tơnêi têa mơnhông mơdêk, pêi lo liăn hên a hơnăm 2045; tối rơdêi Đảng ƀă Chin phuh Việt Nam kô pơtối pro tơ’lêi hlâu, tng mê ai tơdroăng pơhlêh troăng pơkâ pêi, vâ mâu khu mơ’no liăn cheăng tung tơnêi ƀă kong têa ê tê mơdró châ tơƀrê a Việt Nam.

Việt Nam kô pơtối tơkêa ƀă pơkâ châ kơlo mơ’no trếo ‘mêi pakong ƀă ‘’0’’ a hơnăm 2050. Kăn xiâm pơkuâ hnê ngăn Đảng pơkâ thế Grup pơkuâ PE pơtối po rơdâ tơrŭm cheăng, mơ’no liăn cheăng tê mơdró a Việt Nam, tung mê ai mâu tơdroăng tơkêa bro pơhlêh on tơhrik nếo...