A rôh tơdah, pôa Tô Lâm - Kăn xiâm pơkuâ hnê ngăn Đảng tối nhên, Đảng, Tơnêi têa Việt Nam đi đo ngăn nhoăm ki mơnhông tơrŭm cheăng ƀă kong têa Ăng-glê, púi vâ péa pâ pơtối rak mâu tơdroăng tơrŭm hiăng pêi châ tơƀrê, pơtối tơrŭm cheăng krá tâ nếo pơla péa pâ, vâ mơnhông tơrŭm péa tơnêi têa rế tâk tâ xua vâ pro pơxúa dêi kuăn pơlê péa tơnêi têa ƀă xiâm ki mơnhông dêi tơrêm tơnêi têa, veăng ‘no hnoăng pro hơniâp lĕm, tơniăn, tơrŭm ƀă mơnhông krá a kơpong ƀă tung lâp plâi tơnêi.

Tung la ngiâ, vâ pơtối mơdêk tâ nếo tơrŭm cheăng pơla péa Đảng, pôa Tô Lâm pơkâ thế, péa pâ séa ngăn ivá tơbleăng pêi mâu tơdroăng tơpui ƀă dêi rơpó, tối ăm dêi rơpó ‘nâi mâu tơdroăng ƀă troăng hơlâ dêi tơrêm Đảng ƀă mâu tơdroăng tung kơpong, lâp plâi tơnêi ƀă mâu tơdroăng ki péa pâ rơhêng vâ ‘nâi plĕng.