A roh tơdah, pôa Tô Lâm, Kăn xiâm pơkuâ hnê ngăn Đảng tối rơdêi Việt Nam kô rơtế ƀă Cuba pơtối pro krá tơniăn tơrŭm cheăng nhŏng o xiâm, tơrŭm môi tuăn, vâ dêi pó tá ah pơla Đảng, Tơnêi têa ƀă kuăn pơlê péa tơnêi têa. Pôa Tô Lâm, Kăn xiâm pơkuâ hnê ngăn Đảng pâ thế Kuô̆k hô̆i Cuba pơtối kơjo tŏng gum tơrŭm cheăng, mơ’no liăn cheăng - tê mơdró - mơ’no liăn cheăng, pro tơ’lêi hlâu ăm mâu tơdroăng tơkêa bro tơrŭm pêi chiâk deăng, on tơhrik ki vêh pro, kŏng ngê̆ sinh hok - pơkeăng, kum păng ‘nâng ăm tơdroăng mơnhông dêi tŭm péa tơnêi têa.

Tơdrêng amê, pơkâ thế péa pâ thăm tơrŭm tơpui tơno lĭ luâ̆n ƀă túa ki rơkê tơtro nôkố, ki rơhêng vâ tối tung pơla Việt Nam tơkŭm po Hneăng hôp Đảng lâp tơnêi têa roh má XIV ƀă Cuba tơkŭm po Hneăng hôp Đảng lâp tơnêi têa roh má IX tung hơnăm 2026.