Kăn xiâm pơkuâ hnê ngăn Đảng tối, Việt Nam ngăn Mih cho kong têa ki tơrŭm kân kal khât tung tơdroăng tê mơdró, tung mê, tơrŭm cheăng kâ, tê mơdró, ‘no liăn mơjiâng tơmeăm khoăng ƀă ‘na khoa hok, kơmăi kơmok pơtối cho xiâm ƀă ki mơhnhôk mơnhông tơrŭm cheăng kâ pơla péa pâ; púi vâ Mih pơtối tơbleăng tơrŭm cheăng tung tŭm tơdroăng rế ton rế khât tâ, ƀă ai pơxúa, tung mê pơtối mơdêk tơrŭm cheăng kâ - Tê mơdró - ‘no liăn pêi cheăng mơnhông tơniăn, xua vâ pro pơxúa dêi kuăn pơlê ƀă khu mơdró péa tơnêi têa, ‘no hnoăng pro hơniâp lĕm, tơniăn, tơrŭm ƀă mơnhông tơƀrê a kơpong ƀă tung lâp plâi tơnêi.

Kăn xiâm pơkuâ hnê ngăn Đảng tối nhên ki mơnhông tơƀrê tơrŭm cheăng pơla Việt Nam - Mih  kô tơdjâk troh mơnhông tơƀrê dêi tơrŭm cheăng dêi Mih ƀă ASEAN, pơkâ thế Hô̆i đong ngăn tê mơdró dêi Mih- ASEAN rơtế ƀă mâu kong têa ASEAN, mơdêk ‘mâi mơnhông tơrŭm môi tuăn, tơrŭm tơrôa, mơnhông tơƀrê ƀă hơniâp dêi ASEAN.