A roh tơdah, pôa Tô Lâm, Kăn xiâm pơkuâ hnê ngăn Đảng môi tuăn hlo tơdroăng ki mơnhông loi tơngah dêi khu tơrŭm cheăng kal kí Việt Nam – New Zealand, cho tơdroăng ki xiâm vâ péa tơnêi têa thăm tơrŭm cheăng tâi tâng tung mâu kơvâ cheăng. Kăn xiâm pơkuâ hnê ngăn Đảng kheăn kơdeăn mâu tơdroăng châ tơƀrê tơpui tơno pơla péa Ngế pro xiâm hnê ngăn tơnêi têa, ki rơhêng vâ tối cho tơdroăng tơbleăng tơdjuôm mơdêk tơrŭm cheăng Việt Nam – New Zealand to Khu tơrŭm cheăng ton xŏn Tâi tâng, mơhno tơdroăng mơnhông châ tơƀrê ƀă loi tơngah troăng pêi cheăng ton xŏn pơla péa tơnêi têa, mơjiâng tơdroăng krá tơniăn djâ tơrŭm cheăng péa tơnêi têa tung hneăng mơnhông nếo.

Péa kăn pơkuâ môi tuăn ‘na mâu troăng mơnhông tơrŭm cheăng tung hneăng nếo; loi tơngah tung tơrŭm cheăng Ton xŏn tâi tâng nếo kô djâ ăm pơxúa tơdjuôm kân, veăng kum tung hơniâp lĕm, mơnhông dêi kơpong ƀă lâp plâi tơnêi.