Kăn xiâm pơkuâ hnê ngăn Đảng mơnhên Đảng, Tơnêi têa ƀă kuăn pơlê Việt Nam đi đo nhuô̆m pâ vế tơdroăng tơrŭm môi tuăn ƀă tơdroăng tŏng gum tá hiâm mơno ki Cuba ăm Việt Nam; mơhno loi tơngah tơnêi têa Cuba nhŏng o, ing pơkuâ rơkê dêi Đảng Kŏng san Cuba, pơtối krá tơniăn tơkâ hluâ mâu tơdroăng pá puât, pơloăng mơnúa, châ mâu tơdroăng châ tơƀrê nếo tung tơdroăng mơjiâng ƀă gâk kring Tơnêi têa.

Pôa Tô Lâm tối rơdêi, ƀă Việt Nam, tơrŭm môi tuăn, tŏng gum ƀă tơrŭm cheăng ƀă Cuba cho hnoăng cheăng ƀă troăng ki lĕm; pơkâ thế péa pâ tơrŭm pêi pro châ tơƀrê mâu tơdroăng tơkêa bro tơrŭm cheăng tung kơvâ pêt mơjiâng kế kâ, on tơhrik; tơrŭm po rơdâ troh mâu kơvâ ki ai tơmeăm môi tiah kông ngê̆ sinh hok, khăm pơlât, ôm hyô; pơtối pêi pro châ tơƀrê mâu troăng pơkâ pêi ƀă tơdroăng môi tuăn tơrŭm cheăng pơla péa Đảng, péa tơnêi têa.