Kuăn pơlê tơngah rôh ‘mâi hơ’lêh tơdroăng tơkŭm cheăng dêi mâu kăn kô pro xiâm ăm tơnêi têa châ mot tung chal nếo mơnhông tơbrê nếo. Hên ngế khĕn kơdeăn tối tơdroăng Ngế xiâm kal kí tơbleăng pêi 7 rơdroăng pơkâ ki kal tung hơnăm 2025, tơdrêng ƀă tơdroăng Kuô̆k hô̆i hneăng 15 hiăng vâ séa ngăn, tơbleăng hên luât ƀă pơkâ ki kân.

‘Na túa pêi cheăng mâu kăn péa râ tơbleăng sap hâi lơ 1/7/2025, kuăn pơlê tối hên tơdroăng ăm hlo, malối cho luât ăm liăn tŏng gum tiô Pơkâ 178 ƀă 67. Teăng mâ Khu kăn Kuô̆k hô̆i Hà Nội, pôa Tô Lâm - Kăn xiâm pơkuâ ngăn Đảng tối mâu tơdroăng pâ thế xuân tơtro, châ Khu xiâm kal kí, pơkâ đi đo tơmâng khât hnê mơhno ƀă tơbleăng mơgêi vâ tơniăn ăm mâu kăn kong pơlê pêi cheăng tơbrêi, chôa lâng pêi tiô pơkâ mơnhông tơƀrê.