Pôa Tô Lâm - Kăn xiâm pơkuâ hnê ngăn Đảng tối sôk ro trâm mâ pôa Tony Blair; khĕn kơdeăn mâu tơdroăng mơ-eăm dêi pôa Tony Blair tung hnoăng cheăng pro Ngế pro xiâm hnê ngăn kong têa  Ănglê hdrối nah xuân môi tiah Kăn hnê ngăn Viê̆n Tony Blair nôkố hiăng veăng mơnhông tơrŭm cheăng pơla Việt Nam - Ănglê.

Pôa Tô Lâm tối, Việt Nam ngăn nhoăm mơdêk tơrŭm cheăng ƀă Ăng-glê, tung mê, ngăn tơrŭm cheăng pơ’lêh kơxô̆, ‘mâi pro on tơhrik, pơ’lêh nếo hriăn plĕng ki nếo ƀă rak ngăn tơdroăng cheăng cho mâu tơdroăng cheăng xiâm tơrŭm ki kal, veăng mơnhông tơrŭm péa tơnêi têa mơnhông tơƀrê, pơxúa ƀă krá tung chal nếo. Kăn xiâm pơkuâ hnê ngăn pơkâ thế Viê̆n Tony Blair pơtối cho kông tơdjêp mơdêk tơrŭm cheăng pơla mâu khu xiâm, kơvâ cheăng, khu mơdró, Viê̆n tăng ‘nâi plĕng ƀă mâu hngêi trung đăi hok péa tơnêi têa, malối tung mâu kơvâ cheăng Chin phuh kơxô̆, cheăng kâ kơxô̆, mơnhông krá tơniăn, on tơhrik krúa, hnê hriâm - hnê mơjiâng tuăn ngôa rơkê ƀă ‘na pơkeăng pơlât.