Tơdah pôa Tô Lâm, Kăn xiâm pơkuâ hnê ngăn Đảng rơtế khu râ kăn teăng mâ râ xiâm tơnêi têa a tơraih tơƀai ai Kăn pơkuâ lâp plâi tơnêi - pôa Kim Song Nam - Kăn tung khu xiâm Đảng Lao động Triều Tiên , pôa Im Chon In - Ngế xiâm phŏ tơpui kâ kong têa Triều Tiên, teăng mâ Việt Nam a Triều Tiên, pôa Lê Bá Vinh rơtế ƀă kăn teăng mâ kăn ƀô̆, mơngế cheăng ‘na kơvâ tung khu Kăn teăng mâ Việt Nam a Triều Tiên.

Roh pêi cheăng dêi pôa Tô Lâm, Kăn xiâm pơkuâ hnê ngăn Đảng pơtối mơnhên, troăng tơpui kâ ƀă kong têa ê, rak tơniăn krê, pơkuâ xêh, hên troăng pêi, ƀă thăm mot tơrŭm lâp plâi tơnêi trâu rơdâ, tâi tâng ƀă châ tơƀrê dêi Hneăng hôp Đảng lâp tơnêi têa roh má 13, Tơdroăng pơkâ 34 dêi Khu xiâm kal kí ‘na mâu troăng pêi ki kân pêi pro troăng tơpui kâ ƀă kong têa ê, ƀă Mơgêi dêi Khu xiâm kal kí ‘na mâu hnoăng cheăng, troăng pêi kân pêi pro troăng tơpui kâ Hneăng hôp 13 dêi Đảng, Tơdroăng pơkâ 57 dêi Khu xiâm kal kí ‘na mơnhông khoa hok kŏng ngê̆, pơhlêh nếo tơmiât pêi rơkê, pơhlêh xúa kŏng ngê̆ tơnêi têa, Tơdroăng pơkâ 59 dêi Khu xiâm kal kí ‘na mot tơrŭm lâp plâi tơnêi tung rơxông nếo.