Teăng mâ mâu kăn pơkuâ Đảng, Tơnêi têa diâp Mê dái Hồ Chí Minh diâp Thŏng tâ̆n xah Việt Nam, pôa Tô Lâm, Kăn xiâm pơkuâ hnê ngăn Đảng kheăn kơdeăn mâu hnoăng kân kĭn, tơdroăng veăng gum dêi mâu khu râ kăn pơkuâ, kăn ƀô̆, ngế chêh hlá tơbeăng, kih thuât viên, mơngế pêi cheăng Thŏng tâ̆n xah Việt Nam ing mâu rơxông ƀă tơdroăng cheăng kăch măng dêi Đảng ƀă hdroâng mơngế xuân môi tiah veăng gum chiâng pro chiâng tiô rêm hơnăm dêi tơdroăng cheăng chêh hlá tơbeăng kăch măng Việt Nam.

Đi đo cho kơ koan tối troăng pêi cheăng ton xŏn, kơ koan chêh hlá tơbeăng ki xiâm tung tơdroăng cheăng hlá tơbeăng Thŏng tâ̆n xah Việt Nam kal đi đo pơtâp ki khên tơnôu kal kí krá tơniăn, môi tuăn ƀă troăng pêi cheăng kăch măng, mơnhên hnoăng cho mâu lêng djâ troăng ahdrối, kêi đeăng hnoăng cheăng ki Đảng ƀă Tơnêi têa pơcháu, tối trâu hơngế troăng pêi cheăng ton xŏn, troăng hơlâ, luât ƀă mâu tơdroăng châ tơƀrê mơnhông dêi Việt Nam, veăng kum tơbêng tơdroăng loi tơngah ƀă tơdroăng môi tuăn tung pơlê pơla; pơtroh tơdroăng ki hâk vâ ƀă mơnhông tơdroăng ki pói vâ pleăng dêi tâi tâng pơlê pơla ăm tơdroăng mơnhông tơnêi têa.