Tơdroăng tơkêa bro châ mơnhông pro tiô túa hngêi pơkeăng rơkê plĕng, “Hngêi pơkeăng lĕm krúa’’, xúa kơmăi kơmok ki dâi lĕm ƀă tuăn ngôa rơkê, kuăn mơngế hriăn pro tung seá ngăn hlối ‘nâi tối  ‘na pơreăng tơdroăng châi, pơlât, rak ngăn kơmăi ƀă tơdroăng cheăng rak ngăn kơpong koi pơlât, vâ la ngiâ ai mơngế pêi cheăng  rơkê tung tơdroăng xúa pơlât ƀă kơmăi ki dâi lĕm dêi pơlê kong xiâm tung mâu hơnăm pơ’lêh cheăng ƀă kơxô̆.

Tâi tâng kơlo ‘no liăn pêi pro lối 16.000 rơtal liăn, tiô tối hdrối, tơdroăng tơkêa bro ối cho tíu tơbleăng hên kih thuât y hok ki rơkê. Tơbleăng a rôh leh, pôa Tô Lâm tối: Tơdroăng tơkêa bro mê tơtro ƀă pơ’lêh tơdrêng hên troăng hơlâ ki kân dêi Đảng Tơnêi têa ‘na  mơnhông khoa hok - kơmăi kơmok, mơnhông cheăng kâ krê dêi kuăn pơlê, mơdêk kring vế, rak ngăn ƀă mơdêk ivá o lĕm ăm Kuăn pơlê; hlối ăm hlo ki mơ-eăm dêi pơlê kong xiâm tung tơdroăng xúa mâu luât pơkâ, tŏng gum krê vâ tơbleăng mâu tơdroăng tơkêa kân, ki kal, ai tơdjâk ton troh ta ah.