Tơdroăng vêh pro mâu hneăng tơdroăng roh ton nah khên tơnôu dêi hdroâng mơngế pin, mơnhên râ ki kân dêi Ƀlêi trâng rơnó Hơngui 1975, ƀă veăng amê ai lối 1.000 ngê̆ sih, diên viên ƀă tíu mơđah tơbleang kân 3000m2. Plâ tơdroăng po mơđah tơbleăng mâu tơdroăng, mâu rơkong rơhdruê châ hơ’muăn ƀă mâu ƀai ngê̆ thuât mơnhên tơdroăng pơkuâ tơtro dêi Đảng, Pôa Hồ Chí Minh, Kăn xiâm hnê ngăn tơnêi têa, hiâm mơno tơplâ khên tơnôu, mâu ƀlêi trâng kân dêi khu lêng ƀă kuăn pơlê pin, pro ô eăng um méa “Mô đô̆i Pôa Hồ’’ tung Tơdroăng tơplâ Hồ Chí Minh roh ton nah; mơnhông khôi túa vâi krâ nah Khu lêng kuăn pơlê Việt Nam khên tơnôu tung mơjiâng, gâk kring Tơnêi têa, kum djâ tơnêi têa mơnhông mơdêk a chal mơ-eăm nếo.

Ing tơdroăng po kố môi xôh nếo mơnhên, tơdroăng ki kơnâ, ki kơnâ tơdroăng roh ton nah Ƀlêi trâng rơnó Hơngui hơnăm 1975; ivá ó rơdêi tơrŭm môi tuăn tâi tâng hdroâng mơngế, pói vâ hơniâp lĕm, tơniăn krê hdroâng mơngế ƀă tơdroăng khŏm mơ-eăm môi tuăn tơnêi têa.