Tơdroăng ‘’Trâm mâ hok tro, sinh viên ki lăm hriâm a kong têa ê dêi Việt Nam – Sinuâ mâu rơxông’’ xua Khu xiâm tơpui kâ pơkuâ tơrŭm ƀă Khu tơrŭm mâu khu tơrŭm nhŏng o Việt Nam ƀă mâu kơ koan ki tơdjâk tơkŭm po klăng roh leh tơbâ 75 hơnăm mơjiâng tơrŭm tơpui kâ ƀă kong têa ê Việt Nam – Sinuâ ƀă Hơnăm trâm mâ rơkê Việt Nam – Sinuâ 2025.

Pôa Tô Lâm, Kăn xiâm pơkuâ hnê ngăn Đảng veăng ƀă xông tơpui a tơdroăng kố. Tơdroăng ai dâng 800 kăn teăng mâ veăng, tung mê, 500 kăn teăng mâ Việt Nam ƀă 300 kăn teăng mâ Sinuâ. Kố cho mâu rơxông sinh viên – mâu ngế ki hiăng châ hlo tơdroăng mơnhông Việt Nam – Sinuâ.

Pakĭng mê cho tơdroăng ki veăng dêi mâu kăn teăng mâ rơxông ối nếo – tơdroăng la ngiâ dêi péa tơnêi têa. Tơdroăng ai hên ki kơnâ mê cho: xup um tơbâ, ngăn mơđah tơbleăng um ‘na tơrŭm Việt Nam – Sinuâ, mơđah tơbleăng ngê̆ thuâ̆t, ngăn ƀai hmâ chêh xo tối ‘na 75 hơnăm tơrŭm cheăng péa tơnêi têa, tơpui tơno ƀă hok tro hneăng hdrối, sinh viên hneăng hdrối ki hriâm a kong têa ê dêi péa tơnêi têa ƀă tơpui tơno ‘na mâu tơdroăng ki tơbâ hriâm, tơpui kâ ƀă kong têa ê ‘na hriâm.