Tơpui hnê mơhno a rôh pơxiâm po, Kăn xiâm pơkuâ hnê ngăn cheăng Đảng tối nhên plâi tơnêi dế pơhlêh ƀă ki têi ó sap nah hâi chói ai tuăn ngoâ kuăn mơngế pro, mâu tơdroăng kal kân, kong ngê̆ sinh hok, on tơhrik krúa, hmốu prêi kế tơmeăm nếo. Việt Nam athế ngăn khoa hok - kong ngê̆, pơhlêh nếo tơmiât pêi rơkê ƀă pơhlêh kơxô̆ cho ivá xiâm vâ pơhlêh nếo túa mơnhông.

Kăn xiâm pơkuâ hnê ngăn cheăng Đảng pơkâ thế rĕng tơbleăng pro Tơdroăng mơjiâng 11 tơdroăng cheăng tung la ngiâ tiô tơdroăng pơkâ 57, malối cho mâu kơvâ cheăng bán dẫn, AI, mâu kế tơmeăm ki kal kân, tơniăn-gâk kring măng, mât mah, kong ngê̆ sinh hok, hmốu prếi nếo, on tơhrik nếo, điê̆n tưh, cảm biến, robôt. Mâu Hngêi trung đăi hok, viê̆n hriăn plĕng kal mơdêk rơdêi hnê kŏng ngê̆, gum khu ki hriăn mơjiâng khu mơdró kâ, tê mơdró kế tơmeăm vâ mơjiâng mâu rơxông khu mơdró kâ kong ngê̆ mơnhông rĕng, veăng gum ăm Việt Nam mơnhông rơdêi tung chal xúa kong ngê̆ kơxô̆.