Hneăng lăm pôu pêi cheăng rôh kố dêi pôa Tô Lâm - Kăn xiâm pơkuâ hngê ngăn Đảng kô pơtối mơhno troăng hơlâ tơpui kâ tơniăn krê pơkuâ dêi, hên túa, hên troăng hơlâ, xua vâ hơniâp lĕm, tơrŭm ƀă mơnhông tơƀrê, veăng mơnhông ki loi nhuăm, ki rơdêi tơpui kâ dêi Việt Nam a kơpong ƀă lâp plâi tơnêi.

Tiô tối hdrối tung hneăng lăm pôu, pôa Tô Lâm kô hôp tơpui tơno  ƀă pôa Keir Starmer - Ngế pro xiâm hnê ngăn kong têa Ăng-glê, tơpui ƀă kăn xiâm Kuô̆k hô̆i vâ tơpui ‘na hên tơdroăng vâ môi tuăn tăng troăng mơdêk tơrŭm cheăng pơla péa tơnêi têa, veăng mơnhông tơrŭm cheăng ƀă tơbeăng hnê mơhno a rôh hôp tơpui cheăng  kâ tơrá mâu kăn xiâm ƀă hên khu mơdró kâ dêi Ăng-glê vâ mơdêk tơrŭm ‘na liăn ngân - Hngêi rak liăn, on tơhrik, khoa hok kŏng ngê̆ ƀă mơnhông cheăng ngiât lĕm.