Tơbleăng a rôh pêi cheăng, pôa Tô Lâm - Kăn xiâm pơkuâ ngăn Đảng tối nhên pơkâ tơdroăng inhên pơ’lêh ƀă mơjiâng tơdroăng pêi pro Pơkâ 71 ai pơkâ pêi pro ki tơƀrê ƀă ki xúa pêi pro tung rêh ối dêi Pơkâ, tơdroăng tơkâ luâ xơpá ăm tơdroăng tiô troăng hơlâ ki tro khât ƀă pêi tơƀrê, hlối pơcháu ăm Đảng ủy Khu xiâm ngăn hnê hriâm ƀă hnê mơjiâng tuăn ngôa rơkê tơmâng xo  tŭm mâu tơdroăng hnê tối a rôh hôp vâ tơ’nôm pê klêi tơdroăng pêi pro tiô Pơkâ dêi Khu xiâm Kal kí tơbleăng ăm Chin phuh kĭ.

Kăn xiâm pơkuâ hnê ngăn Đảng tối pơchân, kal athế tối nhên mâu tơdroăng kal pêi tơdrêng ƀă hâi khế pơkâ pêi nhên ƀă xoăng nhên hnoăng cheăng pêi pro tơniăn tơdroăng hnê hriâm. Pro ti lâi vâ la ngiâ pơkâ má mơ’nui thế mơdêk ki tơƀrê tung hnê ƀă hriâm. Đảng Tơnêi têa kô tơmâng ƀă pro hlâu vâ kơvâ cheăng pêi tơƀrê mâu tơdroăng vâ pêi hiăng chêh tối tung Pơkâ”.